Гандлёва-прамысловыя палаты Беларусі і Ірана падпісалі пагадненне аб супрацоўніцтве
23 Лістапада 2022
Гандлёва-прамысловыя палаты Беларусі і Ірана падпісалі пагадненне аб супрацоўніцтве, паведамляе карэспандэнт БЕЛТА.
Паводле слоў старшыні БелГПП Міхаіла Мятлікава, падпісанне гэтага пагаднення надасць новы імпульс развіццю адносін паміж дзвюма краінамі.
"Мы высока цэнім дружалюбныя адносіны з нашымі калегамі. Сёння мы абмеркавалі шэраг важных пытанняў па розных напрамках узаемадзеяння. У прыватнасці, закранулі тэму транспартных калідораў", - расказаў кіраўнік БелГПП.
У студзені - верасні 2022 года тавараабарот паміж Беларуссю і Іранам вырас да $63,6 млн (рост у 2,9 раза да аналагічнага перыяду 2021 года), экспарт - да $48,6 млн (у 4,4 раза), імпарт - да $15 млн (рост на 41,8 працэнта). Сальда дадатнае - $33,6 млн.