Купалаўскі тэатр набірае артыстаў
02 Лютага 2022
Аб'яўлены конкурсны набор у трупу Нацыянальнага акадэмічнага тэатра імя Янкі Купалы, паведамілі БЕЛТА ва ўстанове культуры.
Прайсці конкурсны адбор запрашаюць прафесійных артыстаў, а таксама студэнтаў з профільнай адукацыяй. Узроставая катэгорыя - ад 21 да 70 гадоў.
"Калі вы таленавітыя і хочаце працаваць на галоўнай драматычнай сцэне нашай краіны - прыходзьце! Прафесійная адукацыя і валоданне беларускай мовай абавязковы. Мы будзем рады бачыць вас у нашым дружным калектыве", - адзначылі ў тэатры.
Заяўкі з рэзюмэ прымаюцца да 14 лютага на пошту marusya.kudinova1980@gmail.com. Тэлефон для даведкі: (8029) 619-77-26.
Набор пройдзе 15 лютага ў 11.00.