Першы выпадак каранавіруса зарэгістраваны ва Украіне
03 Сакавіка 2020
Ва Украіне лабараторна пацверджаны першы выпадак інфікавання каранавірусам COVID-19, паведаміў намеснік міністра аховы здароўя Украіны Віктар Ляшко.
"2 сакавіка былі выяўлены чатыры выпадкі з падазрэннем на каранавірус, сёння падазрэнне пацвердзілася ў аднаго чалавека. Усе матэрыялы і ўзоры дадаткова перададзены ў вірусалагічную лабараторыю Сусветнай арганізацыі аховы здароўя. Але выпадак зарэгістраваны ва Украіне, і мы пачалі працаваць з людзьмі, з якімі кантактаваў гэты мужчына ", - адзначыў Віктар Ляшко. Выпадак заражэння каранавірусам COVID-19 зафіксаваны ў Чарнаўцах.
Раней у абласную клінічную бальніцу шпіталізавалі двух пацыентаў з пнеўманіяй, якія вярнуліся з Італіі і маглі кантактаваць з хворымі каранавірусам. Па выніках праверкі інфекцыі ў іх не выявілі.