Дарослае жыццё пачалося менавіта з радыё «Сталіца» ў 2000 годзе. Быў карэспандэнтам, вядучым навін. Пазней лёс распарадзіўся змяніць радыёсферу на тэлеіндустрыю. Працаваў у Агенцтве тэленавін Белтэлерадыёкампаніі. Праз пяць гадоў зноў радыё: з усёй адказнасцю кіраваў цудоўным калектывам з пазыўнымі 97 і 4. Далей, як не дзіўна – тэлебачанне (з 2018 па 2022 СТВ). І вось, урэшце – сваё © ЛЮБІМАЕ!

Люблю восень, зіму, і насіць цёплыя світары. Збіраю вінтажныя пласцінкі і сваю асабістую бібліятэку. Вывучаю структуру і тэхніку музіцыравання на розных інструментах, і дзякуючы гэтаму хобі, ўмею дрэнна граць на фартэпіяна, укулеле, губным гармоніку і барабанах. Горш за ўсіх на радыёстанцыі ведаю беларускую мову, але скрозь слёзы і перашкоды імкнуся да дасканаласці. Люблю жывёл, і часта прыношу дадому бяздомных братоў нашых меншых. Лячу іх, і пакідаю жыць у сябе. Шмат казаць пра сябе не люблю. Таму развітваюся.

На радыё "Сталіца" прыйшла праз любоў да роднай мовы. Чытаю і пішу вершы. Люблю дзіцячыя казкі, душэўныя размовы і чорных катоў. Не люблю птушак і наогул усё, што лётае. Вырошчваю дома кветку, якую назвала Себасцьянам. Цаню ў людзях спагадлівасць і сумленнасць. Дэвіз па жыцці: «Калі я не магу змяніць сітуацыю, то я магу змяніць сваё стаўленне да яе".

З дзяцінства цікавілася усім, сярод любімых цацак - машынкі, паяльнік і малаток, лялькі разбіраліся на запчасткі з мэтай даведацца, як яны зроблены. Паміж заняткамі танцамі, каратэ і фігурным катаннем, шахматамі, спевамі і... выпяканнем торцікау марыла стаць дэсантнікам, дырэктарам птушкафабрыкі, хірургам, юрыстам і не толькі. Знаходзіць пазітыў ва усім, мегатворчы і непасрэдны элемент

Мой жыццёвы прынцып: "Усё, што ні робіцца - да лепшага!". Прыйшла на радыё на практыку - закахалася ў гэты працэс і засталася (спадзяюся на ўсё жыццё). З дзяцінства марыла стаць дыктарам, дома бацькам расказвала навіны і чытала вершы. Першы выхад у "эфір" адбыўся ў 5 гадоў у салоне аўтобуса, дзе аб'яўляла прыпынкі. Люблю глядзець кіно, займацца рознымі відамі рукадзелля і праводзіць час з сям'ёй.

“Атрымліваць задавальненне” – дэвіз па жыцці:ад працы, дажджу, дотыкаў, і нават гуку будзільніка. Упэўнена, што ў любой справе галоўнае – людзі. Да дрыжыкаў люблю мора і прыгожыя галасы. Цягнуся да сонца – пойдзем са мной!

Па гараскопе Дзева - па жыцці каралева. Люблю беларускую мову і рок, масты і балет, савецкія мультфільмы і карэйскія казкі. Веру ў лёс і сябе. У любой незразумелай сітуацыі сплю, танцую, гатую боршч... І слухаю ЛЮБІМАЕ!

У 2021 годзе вырашыла змяніць сферу сваёй дзейнасці з турыстычнай на радыйную. І не памылілася. Люблю ноч больш за раніцу, а тут і цяпер - за любое недзе потым. А яшчэ птушак, паўлінавыя пёры, чорных котак, сінявокіх людзей, крывавыя дэтэктывы і кактусы. Мой дэвіз у жыцці: “Ніколі не здавайся. Няслаўся да канца!”

Прыйшла на радыё ў 1995 годзе. Не па чутках ведаю як запіс праграмы рабілі на магнітнай плёнцы... Люблю свой родны Мінск, асабліва яго стары цэнтр. Люблю водар ранішняй кавы ля адчыненага акна. Люблю падарожнічаць і адчуваць пах мора. Умею вырошчваць прыгожыя кветкі, маляваць и выдатна гатаваць. Здорава, калі сваімі ведамі можна падзяліцца са слухачамі на Любімым радыё. У жыцці кіруюся дэвізам: "У любой сітуацыі заставайся Чалавекам".